Бөтә яңылыҡтар
Район хакимиәтендә
30 Ғинуар 2018, 11:50

Ғаилә йылын үткәреү тураһында

«Дәүләт ғаилә сәйәсәтен камиллаштырыуға, ғаилә институты абруйын нығытыуға һәм уға ярҙам итеү маҡсатында, Башҡортостан Республикаһында 2018 йыл Ғаилә йылы тип иғлан итеү тураһында»ғы Башҡортостан Республикаһы башлығы Р.З.Хәмитовтың Указын үтәү буйынса район хакимиәте башлығы Ф.З.Туҡтаров тарафынан тейешле күрһәтмәләргә ҡул ҡуйылды.

Ойоштороу комитеты составы, төп саралар планы раҫланды (район хакимиәте башлығының социаль мәсьәләләр буйынса урынбаҫары А.Ә.Суфьянова уның рәйесе булып тора).

Планда 50, 60, 70 йыл бергә ғүмер иткән ғаилә парҙарын ҡотлау, уларға социаль ярҙам саралары күрһәтеү, ғаилә проблемалары буйынса балалары булған ғаиләләргә консультация биреү, «Минең ғаиләм», «Нәҫелемдең иң яҡшы ғаиләһе» балалар һүрәттәре район конкурсы, «Ғаилә ҡиммәттәрен нығытыуҙа сәләмәт йәшәү рәүеше роле» темаһына түңәрәк өҫтәл, төрлө акциялар, мәктәптәрҙә дөйөм ата-әсәләр йыйылышы, мәҙәни-спорт фестивалдәре һ.б. үткәреү ҡаралған.
Читайте нас: