«Йыл эшҡыуары - 2018»

«Рәсәй Федерацияһында кесе һәм урта эшҡыуарлыҡты үҫтереү тураһында»ғы федераль законға ярашлы, кесе һәм урта эшҡыуарлыҡ субъекттарына ҡараған, республика территорияһында теркәлгән һәм ойошманың эшмәкәрлек өлкәһенә ҡарамаҫтан, кәмендә ике йыл эшҡыуарлыҡ эшмәкәрлеге алып барған шәхси эшҡыуарҙар, крәҫтиән-фермер хужалыҡтары башлыҡтары, акционерҙар, юридик шәхестәр конкурста ҡатнаша ала.

«Йыл эшҡыуары» исеме түбәндәге төп номинациялар буйынса үҙ бизнесын үҫтереүҙә әһәмиәтле ҡаҙаныштар өсөн кесе һәм урта эшҡыуарлыҡ субъекттарына бирелә:

«Етештереү өлкәһендә (кесе (микро) предприятие) иң яҡшы йыл эшҡыуары»;

«Ауыл хужалығы өлкәһендә иң яҡшы йыл эшҡыуары»;

«Күмәртә һәм ваҡлап сауҙа итеү өлкәһендә иң яҡшы йыл эшҡыуары»;

«Эске туризм өлкәһендә иң яҡшы йыл эшҡыуары»;

«Бизнес өсөн консалтинг хеҙмәттәр өлкәһендә иң яҡшы йыл эшҡыуары».

Конкурс комиссияһы, конкурсты ойоштороусылар һәм партнерҙар шулай уҡ өҫтәмә махсус номинациялар булдырырға хоҡуҡлы.

«Йыл эшҡыуары-2018» конкурсында ҡатнашыуға заявкалар БР Эшҡыуарлыҡ ойошмалары ассоциацияһы дирекцияһында Өфө ҡалаһы, Индустриаль шоссе урамы, 44/1 адресы буйынса 6-сы павильонда (2-се подъезд, 2-се ҡат, 6-22 кабинеттарҙа) ҡабул ителә. Е-mail: [email protected]. Тулыраҡ мәғлүмәт һәм конкурс документацияһы менән www.aop-rb.ru сайтында танышырға мөмкин.

Документтарҙы ҡабул итеү ваҡыты - ағымдағы йылдың 20 июленән 31 авгусына тиклем.

Бүләкләү тантанаһы ағымдағы йылдың ноябрендә була. Еңеүселәргә дипломдар һәм ҡиммәтле бүләктәр тапшырыласаҡ.