Көнүҙәк проблемалар - уйын-көлкө аша

Районыбыҙҙа йыл һайын мәғариф бүлеге һәм ЮХХДИ бүлеге менән берлектә «Хәүефһеҙ бала саҡ юлы» тип аталған КВН уйыны үткәрелә, уның маҡсаты - Юл хәрәкәте ҡағиҙәләрен өйрәнеүҙе пропагандалау һәм юл-транспорт фажиғәләрендә балаларҙың йәрәхәтләнеүен иҫкәртеү. Уҙған аҙнала район Мәҙәниәт йортонда балалар уйын-көлкө аша юл хәүефһеҙлеге, ни өсөн мотлаҡ Юл хәрәкәте ҡағиҙәләрен үтәү мөһимлеге кеүек көнүҙәк проблемалар тураһында һөйләнеләр.

Уйында район үҙәгенең 1-се һәм 2-се, Ҡабыҡҡыуыш, Йәлембәт һәм Иҫке Ҡалҡаш ауылдары мәктәптәренән биш команда ҡатнашты. Ҡатнашыусылар сәләмләү, капитандар конкурсы һәм музыкаль өйгә эш кеүек өс һынау үтте.

Сара юғары кимәлдә ойошторолғайны. Командалар юл ҡанундарын үтәүҙең бөтә мөһимлеген «Ҡағиҙә буйынса йөрөйөк!» сәләмләү конкурсында күрһәтте. Тамашалар оҫта, дәртле, йыр-бейеүҙәр менән ойошторолдо. Ә һуңғы этап - өйгә эш конкурс һынауы иң сағыу һәм ҡыҙыҡлы булды. Ул тамашасыларҙың да, жюри ағзаларының да күңеленә хуш килде. Сәхнәнән ҡыҙыҡлы һәм уйын-көлкөлө мәрәкәләр яңғыраны. Жюриға еңеүселәрҙе билдәләү еңелдән булманы.

Капитандар конкурсы - команданың иң яҡшы вәкилдәре ярышы. Был иң яуаплы конкурс этаптарының береһе һанала. Капитандар ярышы йәш инспекторҙар - команда алдынғыларының талантын, үҙенсәлеген, мауығыуын асырға ярҙам итте. «Иң яҡшы капитан» номинацияһында Йәлембәт урта мәктәбе командаһы капитаны Диана Хәлитова еңеүсе булды. Конкурс йомғаҡтары буйынса беренсе урынға 1-се урта мәктәп, икенсе Йәлембәт урта мәктәбе, өсөнсө - район үҙәгенең 2-се урта мәктәбе лайыҡ булды.

Юл хәрәкәтенең йәш инспекторҙары КВН - ул күңелле, шаян, ҡыҙыҡлы уйын булыуын тағы бер тапҡыр дәлилләне. Ә улар - йәш инспекторҙар - төрлөләндерелгән һәм сағыу программа әҙерләгән, шулай уҡ тапҡырлыҡтарын, отҡорлоҡтарын күрһәткән әүҙем, инициативалы, талантлы ҡыҙҙар һәм малайҙар.

Лиана ЙӘРМИЕВА. Автор фотоһы.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354