Мәүлит мөбәрәк булһын!

Һөйөклө Пәйғәмбәребеҙҙең тормош юлын, Аллаһы Тәғәләнең Ҡөрьәндәге әмере буйынса рәсүлебеҙҙең ислам динен барлыҡ мосолман халҡына йәйелдереп, һәммәбеҙҙең күңелдәрен илһамландырып, тура юлды табып, был донъяла һәм әхирәттә мәңгелек бәхет-шатлыҡҡа ирешеүебеҙ хаҡында мәсет мөғәллимәләре Римма Хисмәтуллина менән Фәнүзә Нуриманова тыңлаусыларға еткерҙеләр.

Мәсетебеҙҙең имам-хатибы Тәлғәт хәҙрәт йыйылыусыларҙы байрам менән ҡотланы, вәғәз һәм доғалар уҡыны.

Мөғәллим Вахит хәҙрәт Әхмәҙиев был донъянан үтеп, мәңгелеккә күскән яҡындарыбыҙҙың, атай-әсәйҙәребеҙ, инәй-бабайҙарыбыҙҙың рухтары шат булһын тип, туғандарыбыҙ балаларыбыҙ, ейәндәребеҙ иҫән-имен булып, үҙ-ара дуҫлыҡта, хөрмәттә, бәхетле тормош кисереүебеҙҙе теләп Ҡөрьәндән мәшһүр сүрәләр, аяттар уҡығас, беҙ үҙебеҙ ҙә доғалар ҡылдыҡ.

Мәсетебеҙҙе тергеҙеүҙә күп көс һалған әһелдәрҙең исемдәре маҡтап телгә алынды. Бигерәк тә 8-10 йәшлек малайҙар һәм ҡыҙҙарҙың мөғәллимәләре менән Ҡөрьәндән тырышып сүрә-аяттар уҡыуҙары һоҡландырҙы.

Мәсеттең 2-се курс шәкерттәренә эйәреп бөтә йәмәғәт менән Пәйғәмбәребеҙгә салауаттар әйтеү ҙур тантана булып яңғыраны.

Миңнур абыстай Бикмөхәмәтова динебеҙҙә тоғро булып, мәсетебеҙҙе яратып ғүмер иткән, хәҙерге ваҡытта мәрхүм мөәмин-мөәминәләрҙең исемдәрен ишеттереп, доғаларыбыҙҙың улар рухына ирешеүҙәрен теләне. Матур эстәлекле мөнәжәттәр әйтелде.

Изге байрамыбыҙҙы ойоштороусыларға, мул итеп һый-ризыҡтарҙы өйҙәрендә, мәсеттә әҙерләп ҡунаҡ итеүселәргә ҙур рәхмәттәр әйтеп, һәммәбеҙгә иҫән-имен булып алдағы байрамдарыбыҙҙа осрашыуыбыҙҙы теләп, мәжлесебеҙҙе тамамланыҡ.

Рәфҡәт БАСЫРОВ. Стәрлебаш ауылы.

И.ДӘҮЛӘТЙӘРОВ фотоһы.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354