Бөтә яңылыҡтар
Ауыл хужалығы
2 Октябрь 2019, 18:55

Башҡортостанда игендең уңышы 3 миллион тоннанан ашҡан

Башҡортостанда иген һәм ҡуҙаҡлы культураларҙы йыйыу тамамлана. Кампанияның төп өлөшө ямғырлы көндәргә тура килде, был иһә аграрийҙарҙың эшен ҡатмарлаштырҙы. «Баҫыуҙарҙың артыҡ дымлы булыуы сәбәпле әлеге ваҡытта урып-йыйыу темпы түбән», — тип хәбәр иттеләр Башҡортостан Ауыл хужалығы министрлығының матбуғат хеҙмәтенән.

Шуға ҡарамаҫтан, ураҡ тамамланғанға тиклем үк уңыш 3 миллион тоннанан ашҡан. Әле сәсеү майҙандарының 94% йыйып алынған.


Быйыл игендең уртаса уңышы — гектарынан 19,8 центнер, был уҙған йылға ҡарағанда юғарыраҡ.


Алдағы 10 көндә аграрийҙар иген йыйыуҙы тамамларға ниәтләй. Баҫыу эштәре бының менән генә тамамланмай — көнбағыш һәм башҡа май культураларын, шәкәр сөгөлдөрөн йыйыу дауам итә.

Читайте нас: