Халыҡ мәнфәғәтендә эшләйҙәр

Киләһе йылдың июнь айында Рәсәй Пенсия фондының вәкәләтле органы Стәрлебаш районында ла булдырыла. Өлкән уполномоченный вазифаһында Зөһрә Дашкина эшләй, ул район Советы кабинеттарының береһендә «Иҫәп-хисап исемлеге» формаһында отчеттар ҡабул итә. Һуңыраҡ был эшкә уполномоченный Назим Рысаев ҡушыла. Уларҙың бурыстарына Пенсия фонды системаһында юридик ойошмаларҙы беренсел теркәү һәм ойошмалар буйынса күсмә тикшереүҙәр үткәреү инә.
Бер мәл Пенсия фондын Дәүләт һалым инспекцияһы менән берләштерәләр, граждандарға пенсия тәғәйенләү һәм түләү район хакимиәте ҡарамағындағы халыҡты социаль яҡлау бүлегендә башҡарыла. 1998 йылдың ғинуарында Стәрлебаш районында Пенсия фонды идаралығы булдырыла, начальник итеп Зөлфиә Ғиниәтуллина тәғәйенләнә, байтаҡ йылдар коллективҡа Наилә Ғиззәтуллина, һуңынан Лилиә Кәримова етәкселек итә. 2001 йылдан алып Стәрлебаш районында Пенсия фонды идаралығы ауыл үҙәгендә ике ҡатлы бинала урынлаша. Бында хеҙмәткәрҙәрҙең эше өсөн барлыҡ шарттар ҙа булдырылған, граждандарҙы хеҙмәтләндереү өсөн клиенттар залы бар. Пенсия фондына төрлө һорауҙар буйынса мөрәжәғәт итәләр.
Йыш ҡына белгестәргә ябай булмаған үтенестәр менән дә киләләр. Төрлө түләүҙәр, ауыл ерендә эшләгән стажын индереүҙе, пенсияны ҡайтанан ҡарауҙы һәм башҡаларҙы һорап мөрәжәғәт итәләр. Ағымдағы йылдың 11 айында төрлө һорауҙар менән 7108 мөрәжәғәт булған. Пенсия фонды аша 2007 йылда Әсәлек капиталын бирә башлайҙар, ә быйыл фонд аша 16 йәшкә тиклем «Путин түләүҙәре» бирелгән. Пандемияға бәйле ҡабул итеүҙәр хәҙер алдан яҙылыу буйынса дүшәмбе, шишәмбе һәм кесаҙна көндәрендә генә башҡарыла (ерләүгә пособие түләүгә бәйле - һәр көн).
Беҙҙең районда пенсия системаһы эшен 18 хеҙмәткәр башҡара. Уларҙың барыһы ла үҙ эшенең оҫталары һәм һәр ҡайһыһы тураһында оҙаҡ һәм матур итеп һөйләргә мөмкин. Ведомство булдырылыу мәленән алып Назим Рысаев эшләй. Баш бухгалтер Әлфиә Дәүләтшина Пенсия фондында байтаҡ йылдар эшләй, ул һәр ваҡыт мөләйем һәм хеҙмәттәштәренә һәр йәһәттән ярҙам итергә әҙер. 1999 йылдан алып бында баш белгес - эксперт Розалия Хөбөтдинова эшләй, һалым органдарынан күсеп эшләй башлаған әйҙәүсе белгес Светлана Хәйретдинова Әсәлек капиталы тураһында барыһын да яҡшы белә. Тәғәйенләү бүлеге белгестәре Минзифа Заһиҙуллина һәм Рәсилә Туҡтаровалар ҙур эш тәжрибәһенә эйә. Зөлфиә Ғәйнетдинова, Айгөл Әминева үҙ эштәренең оҫталары. Пенсиялар тәғәйенләү һәм түләү буйынса баш белгес - эксперт Эльвера Сабитова, пенсиялар тәғәйенләү бүлегенең баш белгесе, юрисконсульт Валерий Кәлимуллин егерме йылдан ашыу ғүмерен ошо эшкә бағышлаған, уларға ҡарата тик ыңғай, яҡшы һүҙҙәр ишетергә мөмкин. Ветерандар - Зөлфиә Ғатауллина, Зилә Тимербулатова, Зилә Камаловаларҙы һәм Шамил Назаровты бында ҙур йылылыҡ менән телгә алалар. Илшат Насиров кеүек белгесте лә билдәләп үтмәү мөмкин түгел, сөнки ул күптән түгел генә эш башлауына ҡарамаҫтан, тәжрибә туплап һәм хеҙмәттәштәре араһында ихтирам һәм абруй яулап өлгөргән. Пединститут тамамлап, мәктәптә уҡытҡандан һуң Пенсия фондына Азат Хәсәнов эшкә килә - хәҙер ул идаралыҡ начальнигы. Венера Байгилдина таҙалыҡ һәм тәртип, шулай уҡ бина алдындағы сәскәләр «батшалығы» өсөн яуаплы. Уның һәм тотош коллективтың тырышлығы арҡаһында Пенсия фонды идаралығы баҡсаһында һәр ваҡыт сәскәләр күҙҙең яуын алып ултыра. Идаралыҡ хеҙмәткәрҙәре киң күләмле мәҙәни сараларҙа әүҙем ҡатнашыусылар, ә иң мөһиме, улар эштәрен һәр ваҡыт еренә еткереп үтәй, көн һайын беҙҙең пенсионерҙарыбыҙ өсөн ҙур һәм ҡатмарлы эш башҡара.

Фаягөл Йосопова. Р.Йәғәфәров фотоһы.