-3 °С
Ҡар
Бөтә яңылыҡтар
Һөнәри байрамдар
3 Декабрь 2019, 17:05
Суд эшмәкәрлеген һайлап яңғылышмаған
Әлеге һөнәр кешеләре менән беҙ тормоштоң төрлө ваҡытында, мәҫәлән, торлаҡ йәки машина һатып алғанда килешеүҙәр төҙөгәндә осрашабыҙ. Әммә ауыр хәлдә ҡалған ваҡытта судта яҡлау үтенесе менән дә мөрәжәғәт итергә тура килә. Уларҙың эшенең үҙенсәлеге ҡайһы яғы менәндер медицинаға оҡшаш - хаталаныуҙың кеше яҙмышына сағылыуы мөмкин. Шуға ҡарамаҫтан, күберәк «ирҙәр» эше тип һаналған закон һағында тороусылар араһында мөләйем ҡатындар ҙа күп кенә. Ғәҙел хөкөм эшенә Гөлназ Туҡтарова ла (һүрәттә) күп йылдар үҙ өлөшөн индерә.
Башҡорт дәүләт университетының юридик факультетын тамамлағандан һуң тыуған Стәрлебаш ауылына ҡайта. Тап бына шул 2001 йылда мировой суд асыла. Йәш белгесте секретарь вазифаһына алалар. Эш көндәре айырылышыуҙар йәки ата-әсә хоҡуғынан мәхрүм итеү эштәре ҡаралған суд ултырыштарында үтә. Ҡыҙ өсөн судтың хөкөм ҡарарын тыңлау ауыр була. Ваҡыт үтеү менән Гөлназ бындай эштәрҙе үҙе аша түгел, ә еңелерәк үткәрергә өйрәнә. Шул уҡ ваҡытта үҙенең бурыстарын оҫта башҡара. Көндән-көн күберәк тәжрибә туплай.
2007 йылда район-ара судына күскәс, Гөлназ Әхмәтфәйез ҡыҙының тикшергән эштәр категорияһы үҙгәрә. Бында ла ул тәүге көндәрҙән үк барлыҡ эштәрҙе ваҡытында һәм теүәл үтәргә тырыша. Суд секретары - ҡатнашыусыларҙың килеүен, запростар ебәреү күберәк мәшәҡәттәрҙе лә индереп, процесты ойоштороу өсөн яуаплы. Ҡағыҙ эштәре иғтибарлылыҡ ҡына түгел, билдәле сроктарҙы үтәүҙе лә талап итә. Әммә Гөлназ үҙ коллективы менән барыһын да эшләп булыуын, ярҙам кәрәк саҡта берәүҙең дә баш тартмауын әйтә. «Беҙ бер команда булып эшләйбеҙ», - тип билдәләне әңгәмәсем.
Судтан һуң Гөлназ өйҙәге эштәргә сума, ул - хәстәрлекле тормош иптәше һәм әсәй. Ире Олег яғынан һәр ваҡыть аңлау һәм таяныс таба. Ғаиләлә улдары Артур һәм ҡыҙҙары Олеся үҫеп килә. Улар бергәләшеп саңғы шыуа, ял көндәрендә Әмир ауылына өләсәй-олатайҙары янына ҡайта. Балаларында ғәҙеллек, ярҙамсыллыҡ кеүек сифаттар тәрбиәләргә тырышалар. Ҡайһы ваҡыт Гөлназ үҙенә ирек ҡуйып, кистәрен бәйләү өсөн ҡулына энәләр ала йәки әҙәби китап уҡый.
2015 йылдан һуң суд администраторы вазифаһын башҡара. Хәҙер уның эше - автоматлаштырыуҙа яңыртыу эштәрен күҙәтеү, «Электрон суд эшмәкәрлеге» сайтында эш өсөн, судты кәрәкле барлыҡ ресурстар менән тәьмин итеүҙә яуаплы. Үҙен ғәҙел хөкөмгә хеҙмәт итеү һәм йәмғиәткә файҙалы булыу мөмкинлеген биргән ошо хеҙмәткә килтергән яҙмышына рәхмәтле ул.
2007 йылда район-ара судына күскәс, Гөлназ Әхмәтфәйез ҡыҙының тикшергән эштәр категорияһы үҙгәрә. Бында ла ул тәүге көндәрҙән үк барлыҡ эштәрҙе ваҡытында һәм теүәл үтәргә тырыша. Суд секретары - ҡатнашыусыларҙың килеүен, запростар ебәреү күберәк мәшәҡәттәрҙе лә индереп, процесты ойоштороу өсөн яуаплы. Ҡағыҙ эштәре иғтибарлылыҡ ҡына түгел, билдәле сроктарҙы үтәүҙе лә талап итә. Әммә Гөлназ үҙ коллективы менән барыһын да эшләп булыуын, ярҙам кәрәк саҡта берәүҙең дә баш тартмауын әйтә. «Беҙ бер команда булып эшләйбеҙ», - тип билдәләне әңгәмәсем.
Судтан һуң Гөлназ өйҙәге эштәргә сума, ул - хәстәрлекле тормош иптәше һәм әсәй. Ире Олег яғынан һәр ваҡыть аңлау һәм таяныс таба. Ғаиләлә улдары Артур һәм ҡыҙҙары Олеся үҫеп килә. Улар бергәләшеп саңғы шыуа, ял көндәрендә Әмир ауылына өләсәй-олатайҙары янына ҡайта. Балаларында ғәҙеллек, ярҙамсыллыҡ кеүек сифаттар тәрбиәләргә тырышалар. Ҡайһы ваҡыт Гөлназ үҙенә ирек ҡуйып, кистәрен бәйләү өсөн ҡулына энәләр ала йәки әҙәби китап уҡый.
2015 йылдан һуң суд администраторы вазифаһын башҡара. Хәҙер уның эше - автоматлаштырыуҙа яңыртыу эштәрен күҙәтеү, «Электрон суд эшмәкәрлеге» сайтында эш өсөн, судты кәрәкле барлыҡ ресурстар менән тәьмин итеүҙә яуаплы. Үҙен ғәҙел хөкөмгә хеҙмәт итеү һәм йәмғиәткә файҙалы булыу мөмкинлеген биргән ошо хеҙмәткә килтергән яҙмышына рәхмәтле ул.
Рәйлә ТАЙҒОНОВА. Автор фотоһы.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354