Бөтә хеҙмәттәр күрһәтелә

Россельхозбанктың Башҡортостан филиалының өҫтәмә офисы Стәрлебаш ауылында 2009 йылдан алып эшләй. 9 йыл эсендә ул финанс хеҙмәттәре баҙарында юғары позицияларҙы ышаныслы биләп, урындағы халыҡтың ышанысын яуланы.

- Тәү ҡарашҡа, беҙҙең эш ауыр кеүек күренмәй, әммә уны башҡарыу өсөн ныҡышмалылыҡ, тырышлыҡ, йыйнаҡлыҡ һәм иғтибар кәрәк. Әлбиттә, ул юғары һөнәри белем һәм оҫталыҡ, шулай уҡ берҙәм коллектив хеҙмәтен талап итә, - ти өҫтәмә офис управляющийы Динара Ғарифуллина.

Россельхозбанк эшендә аграрийҙарға кредит йәһәтенән ярҙам күрһәтеү өҫтөнлөк булып тора. Өҫтәмә офис райондың барлыҡ ойоштороу-хоҡуҡи милек формаларына ҡараған ауыл хужалығы етештереүселәрен һәм шәхси ярҙамсы хужалыҡ эйәләрен хеҙмәтләндерә. Яҡынса 150 юридик шәхес офиста иҫәп асҡан, шул иҫәптән барлыҡ предприятиелар ҙа тиерлек - беҙҙең төбәктең ауыл хужалығы продукцияһын етештереүселәр. Билдәләп үтергә кәрәк, банкта ябай граждандарға һәм корпоратив клиенттарға - физик һәм юридик шәхестәргә вкладтар һәм депозиттар, башҡа банктарҙа алынған кредиттарҙы рефинанслау һәм башҡа бик күп үҙенсәлекле тәҡдимдәр бар.

Офистың кредит портфеле тотороҡло үҫешә һәм бөгөнгө көндә 220 млн. һум тәшкил итә, шуларҙың 53 млн. юридик шәхестәр алып тора. Барлығы офистың эш осоронда физик шәхестәр тарафынан яҡынса 4400 иҫәп асылған, өс меңдән ашыу кеше кредит алған.

Асылыу мәленән бөгөнгө көнгә тиклем офис халыҡҡа банк хеҙмәттәренең барлыҡ спектрын күрһәтә. Уның кредит ярҙамы арҡаһында, халыҡ хужалыҡ-көнкүреш проблемаларын хәл итә, торлаҡ шарттарын яҡшырта, ауыл хужалығы менән шөғөлләнә. Билдәләп үтергә кәрәк, офис хеҙмәткәрҙәре райондың йәмәғәт тормошонда әүҙем ҡатнаша.

- Беҙ артабан да районда үткәрелгән барлыҡ сараларҙа әүҙем ҡатнашырға әҙербеҙ, сөнки ауыл халҡы, Россельхозбанк ярҙамында, тормош сифатын яҡшырта ала - үҙ эшен ойоштора, ярҙамсы хужалыҡтар үҫешә, торлаҡ һатып алына. Беҙҙең ишектәр асыҡ, һәр кемгә ярҙам итергә тырышабыҙ, - тип билдәләй Динара Әхнәф ҡыҙы.

2010 йылда физик шәхестәр буйынса экономист булып эш башлаған Динара Ғарифуллинаның етәкселегендә Россельхозбанк офисында дүрт кешенән торған һөнәри команда эшләй. Барлыҡ хеҙмәткәрҙәр ҙә тиерлек өҫтәмә офис асылыу мәленән алып эшләй һәм банк өлкәһендә әһәмиәтле эш тәжрибәһенә эйә.

Марина Булатова Россельхозбанкта 2009 йылдың ноябренән эшләй. Ул - өлкән менеджер - операционист. Уның бурыстарына физик шәхестәрҙе хеҙмәтләндереү - вкладтар менән операциялар, иҫәп асыу, аҡса күсереү, консультация биреү, заявкалар ҡабул итеп, физик шәхестәргә кредит биреү инә.

Рәзифа Ильясова эшкә шул уҡ йылда килә, өлкән операционист булып эшләй. Юридик һәм физик шәхестәрҙе хеҙмәтләндереү менән шөғөлләнә.

Рәзилә Абдуллина - өлкән кассир. Уның бурыстарына түләүҙәр ҡабул итеү, валюта операциялары, иҫтәлекле тәңкә, лотерея билеттары һатыу инә.

Элиза Шәрипова - коллективта иң йәше, 2017 йылдың аҙағында бында эш башлай. Ул - әйҙәүсе клиенттар менеджеры. Консультация бирә, заявкалар ҡабул итә, физик шәхестәрҙең төрлө ихтыяждарына һәм торлаҡ һатып алыуға кредиттар биреү менән шөғөлләнә.

Россельхозбанктың уңышлы үҫешенә һәр клиентҡа шәхси алым, шулай уҡ түбән процент ставкалары, юридик һәм физик шәхестәргә даими ғәмәлдә булған акциялар булышлыҡ итә. Мәҫәлән, ағымдағы йылдың 31 декабренә тиклем Россельхозбанкта «Процентный листопад» акцияһы үтә. Тимәк, барлыҡ клиенттар өсөн тәьмин итеүһеҙ төрлө ихтыяждарға кредитҡа түбәнәйтелгән ставка ғәмәлдә. Шулай уҡ бюджет ойошмалары хеҙмәткәрҙәре, хеҙмәт хаҡы проекттарында ҡатнашыусылар, мөлкәт һәм автомобилгә эйә булыусылар өсөн үҙенсәлекле тәҡдим бар. Тулыраҡ мәғлүмәтте Стәрлебаш ауылы, К.Маркс урамы, 91 адресы буйынса өҫтәмә офиста белергә мөмкин.

Гөлдәр ҒӘФИЕВА. Автор фотоһы.