Бүләккә - Африка арыҫланы...

Флүр Муллаяновтың был шөғөлө күптәрҙе ғәжәпкә ҡалдыра. Кушнаренко районының Ҡалтай ауылында ғәҙәти йортта донъя көткән ирҙең хужалығында Африка арыҫланы йәшәй. Былтырҙан алып ҡырағай хайуандарҙы йорттарҙа аҫрау закон нигеҙендә тыйылғанын беләбеҙ, тик был 2020 йылдың 1 ғинуарына тиклем алынған хайуандарға ҡағылмай.

-Йондоҙнамә буйынса беҙ – Арыҫландар. Был хайуандар батшаһы күңелебеҙгә бик яҡын, - ти йорт хужаһы.

Граф һәм Сильва исемле алабайҙар йәштәре менән ун айлыҡ арыҫландан күпкә олораҡ булһалар ҙа, Солтанға бер ни тиклем һағайып ҡарағандай. “Беҙ Солтан исемле арыҫлан балаһын улыбыҙға тыуған көнөнә бүләк иткәйнек, - ти Флүр Муллаянов. - Улыбыҙ ҙа йондоҙнамә буйынса –Арыҫлан. Тәүҙә өйҙә тоттоҡ, үҫә төшкәс, вольер яһарға тура килде.”

Бөтәһе лә бынан биш йыл элек Шерхан ҡушаматлы арыҫландан башланған. Хужалар уны ветеринарға алып барғандан һуң күҙҙән яҙлыҡтыра. Арыҫлан балаһы Өфө ҡалаһы урамдарын гиҙгәндә тәртип һаҡсылары тарафынан тотола һәм хужаларына ҡайтарыла. Үҫеп еткәс, Шерханды махсус ҡырағай хайуандар йортона тапшыралар. Ә уның балаһы Солтан өйҙә йәшәүен дауам итә.

Флүр Муллаяновтың вольеры бөтә нормативтарға ла яуап бирә. Африка хайуаны беҙҙәге һалҡын ҡышҡа яҡшы яраҡлашҡан. Ул бик тиҙ үҫә, ауырлығы йөҙ килограмдан ашыу. Көн һайын биш-алты килограмм ит бирергә кәрәк. ”Минең килгәнде күрһә, бик шатлана. Ул үҙен ҡасан тышҡа йөрөргә алып сығасаҡтарын белеп, мине көтөп тора. ”Ярамай!” тигән команданы яҡшы аңлай. Үҙенең шәхси ветеринары бар, тулыһынса беҙҙең контролдә. Витаминдар менән тәьмин итәбеҙ. Бик тыныс холоҡло Солтаныбыҙ, уны бер ҡайҙа ла бирергә йыйынмайбыҙ”, - ти йорт хужаһы.

Фото: BashNews.

Автор: Дина Арсланова

https://bash.rbsmi.ru/articles/ekologiya/B-l-kk--Afrika-ari-lani-738183/

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354