+22 °С
Дождь
Новости
24 Марта 2021, 06:19
Мәскәү метроһында Башҡортостан һәм Өфө символикаһы төшөрөлгән поезд йөрөй башлай
Тиҙҙән Мәскәү метроһында Башҡортостан һәм Өфө символикаһы төшөрөлгән поезд йөрөй башлай, тип хәбәр итте баш ҡала мэры Сергей Греков.
Уҙған ял көндәрендә республика етәксеһе Радий Хәбиров һәм Мәскәү мэры урынбаҫары Максим Ликсутов ошо хаҡта фекер алышты.
«Брендты ошо рәүешле күрһәтеү мәскәүҙәр һәм баш ҡала ҡунаҡтары араһында Өфөнө һәм Башҡортостанды танытыуға тос өлөш индерергә тейеш. Ә Мәскәүгә килгән өфөләр өйҙәрен йышыраҡ иҫенә төшөрөр», — тип билдәләне Сергей Греков.
22 мартта Башҡортостан Башлығы Хөкүмәттәге оператив кәңәшмәлә Ликсутов менән осрашыуҙа ҡаланың транспорт системаһын баһалау өсөн Өфөгә Мәскәү проект институты белгестәрен саҡырыу тураһында уртаҡ фекергә килеүҙәрен хәбәр итте. Ошо сәфәр йомғаҡтары буйынса Өфө белгестәренә тәҡдимдәр әҙерләнергә тейеш.
«Беҙгә өйрәнергә кәрәк, Мәскәүҙән өйрәнәһе нәмәләр байтаҡ», – тип билдәләне Радий Хәбиров.
