+22 °С
Ямғыр
Новости
19 Март 2021, 04:13
ӨЛӘСӘЙЕМ НӘСИХӘТЕ
Ал таңдарҙы, балаҡайым, бисмилла менән башла,Аш менән яуап бирәләр атылған яуыз ташҡа.Йоҡоларға талған саҡта ла рәхмәт уҡы Хоҙайға,Ҡөҙрәте уның һәр ҡайҙа, хатта бөртөҡ бойҙайҙа.
Иртән торғас, урының йый, шайтан аунап ятмаһын,
Үҙҙәренә етмәҫ аңды һиңә бер кем һатмаһын.
Ашағас та ҡашыяҡ йыу - шайтан ялап ҡуймаһын,
Сама белеп һөйлә һүҙҙе - һине кеше тыймаһын.
Үҙҙәренә етмәҫ аңды һиңә бер кем һатмаһын.
Ашағас та ҡашыяҡ йыу - шайтан ялап ҡуймаһын,
Сама белеп һөйлә һүҙҙе - һине кеше тыймаһын.
Мыжыҡ булма, илаҡ булма, өйҙөң ҡотон ебәрмә,
Үпкәләрҙе һөйлә, балам, бары иҫкән елдәргә.
Таңдар менән, балаҡайым, Хоҙайҙан бәхет һора,
Насар төштәр күрһәң дә гел, яҡшыға ғына юра.
Үпкәләрҙе һөйлә, балам, бары иҫкән елдәргә.
Таңдар менән, балаҡайым, Хоҙайҙан бәхет һора,
Насар төштәр күрһәң дә гел, яҡшыға ғына юра.
Рәхмәт уҡы һин Хоҙайға, тыныс таңдар атҡанға,
Күҙең асып рәхәтләнеп яңы көнгә баҡҡанға.
Дөрөҫ һүҙҙәр һөйлә, балам, ялғанды Хоҙай һөймәй,
Хоҙай һөймәгән әҙәмгә, бел, балам, бәхет теймәй.
Күҙең асып рәхәтләнеп яңы көнгә баҡҡанға.
Дөрөҫ һүҙҙәр һөйлә, балам, ялғанды Хоҙай һөймәй,
Хоҙай һөймәгән әҙәмгә, бел, балам, бәхет теймәй.
Кеше йәшен алма, балам, уйлап һөйлә һүҙеңде,
Был донъяла көслө түгел, еңә, балам, түҙемле.
Көйөнөстәр - ҡайғы түгел, түҙемлегеңде юйма,
Йырлап та ал, илап та ал, һағышты эскә йыйма.
Был донъяла көслө түгел, еңә, балам, түҙемле.
Көйөнөстәр - ҡайғы түгел, түҙемлегеңде юйма,
Йырлап та ал, илап та ал, һағышты эскә йыйма.
Ҡамыр ҡуйһаң, йырлап ҡуй һин, тик йырлы ризыҡты йый,
Табын әҙерләгән мәлдә уйлай күрмә ҡара уй.
Уйла һәр саҡ изге уй!!!
Табын әҙерләгән мәлдә уйлай күрмә ҡара уй.
Уйла һәр саҡ изге уй!!!
Динә Талхина.
