Ковидҡа ҡаршы инспекторҙар эш башланы

Республика Башлығы Радий Хәбиров Хөкүмәттә үткән оператив кәңәшмәлә бөтә предприятие һәм ойошмаларҙа хеҙмәткәрҙәр араһынан медицина инспекторҙарын билдәләргә ҡушҡайны. Улар эш урындарында санитар-эпидемиологик ҡағиҙәләрҙе үтәүҙе контролдә тоторға тейеш.

Медицина инспекторы итеп теләгән хеҙмәткәрҙе тәғәйенләй алалар, бының өсөн медицина белеме булыуы мотлаҡ түгел. Ковидҡа ҡаршы инспекторҙар эшмәкәрлегенең маҡсаты - коронавирус инфекцияһы таралыуын иҫкәртеү, коллективта эпидемияға ҡаршы бар сараларҙы теүәл үтәүҙе ойоштороуҙы тәьмин итеү.

Был турала тулыраҡ мәғлүмәт менән https://glavarb.ru/rus/stopcovid/ һылтанмаһы буйынса танышырға мөмкин.

Фото: Башҡортостан Башлығы матбуғат хеҙмәте.

Альфия Мингалиева