+22 °С
Дождь
Новости
11 Сентября 2020, 09:20
Йыл һайын республикала уртаса 2,5 мең кешегә «алкоголизм» диагнозы ҡуйыла
11 сентябрҙә Рәсәйҙә Айыҡлыҡ көнө билдәләнә. Башстат Башҡортостандың Һаулыҡ һаҡлау министрлығы мәғлүмәттәре буйынса аналитика әҙерләне.
Йыл һайын республикала уртаса 2,5 мең кешегә «алкоголизм» диагнозы ҡуйыла. 2019 йылда спиртлы эсемлектәр менән мауығыуға бәйле сәбәптәрҙән 519 ир-егет һәм 225 ҡатын-ҡыҙ (бөтәһе 744 кеше) яҡты донъя менән хушлашҡан, уларҙың уртаса йәше – 51. Сәбәптәр араһында айырыуса алкоголь кардиомиопатияһы (390 осраҡ) алкоголь менән ағыуланыу (190) киң таралған.
Алкоголизмдан үлем 100 мең кешегә 18,4 осраҡ тәшкил итә. Быны инфекция (22,2), үҙ-үҙеңә ҡул һалыу (18,2), транспортта бәхетһеҙ осраҡтарҙың бөтә төрҙәре (12,7) менән сағыштырырға мөмкин.
Ҡала халҡының алкоголдән үлем коэффициенты 100 мең кешегә – 12, ауылда иһә 29 осраҡ тәшкил иткән.
2019 йылдың аҙағына 27,5 мең ир-егет һәм 8,5 мең ҡатын-ҡыҙ «алкоголизм» йәки «алкоголь психоз» диагнозы менән наркодиспансерҙарҙа иҫәптә торған.
Һуңғы биш йылда 5,6 мең кеше иҫәптән төшөрөлгән.
