+22 °С
Ямғыр
Новости
27 Август 2020, 13:12
Йәлембәт ауылы "Кесе Ватан мәҙәниәте" проектын тормошҡа ашырыу майҙансығына әүерелде
Эйе, эйе, һеҙ яңылышмайһығыҙ, Йәлембәт ауыл мәҙәниәт йорто хәҙер тап бына шундай. Бында ауылда йәшәгән 820 кеше өсөн урамдар яҡтыртыла, юлдар яңыртыла, ә хәҙер уларҙың яңыртылған ял үҙәге буласаҡ. Буш ваҡыттарында улар тренажер залына, модель китапханаһына, балалар өсөн махсус йыһазландырылған бүлмәгә йөрөй һәм яңыртылған тамаша залына килеп, урындағы йырсыларҙың матур, моңло йырҙарын тыңлай ала.
Йәлембәт ауылында бөгөн тағы бер тапҡыр беҙҙең тормошобоҙҙа мәҙәниәттең әһәмитлелеген күрһәттеләр. "Кесе Ватан мәҙәниәте" исеме аҫтында Берҙәм Рәсәй партияһы проекты даирәһендә ремонттан һуң ауыл мәҙәниәт йортон тантаналы асыу булды. Был проекттың маҡсаты - ауыл клубтарының матди-техник базаһын үҫтереү һәм яңыртыу. Йыйылыусылар өсөн яңыртылған мәҙәниәт объектының залдары буйлап экскурсия ойошторолдо. Йәлембәттәрҙең ҡунаҡсыллығын Өфө ҡалаһынан килгән ҡунаҡтарҙың барыһы ла юғары баһаланы. Улар араһында БР Дәүләт Йыйылышы - Ҡоролтай рәйесе урынбаҫары Эльвира Айытҡолова, БР Дәүләт Йыйылышы - Ҡоролтай депутаты Гөлнур Ҡолһарина, БР Мәҙәниәт хеҙмәткәрҙәре профсоюзы рәйесе Александр Кузьменко һәм башҡалар булды.
Рәйлә ТАЙҒОНОВА.
Р.ЙӘҒӘФӘРОВ фотолары.
