+22 °С
Ямғыр
Новости
17 Август 2020, 09:37
Бик тәмле бәлеш
Баҡсаларҙа алланып бешкән алмалар, өлгөргән грушалар мәле уңған хужабикәләр өсөн теләгән ваҡытта тәмле һәм татлы бәлештәр бешереү өсөн бигерәк тә ҡулай. Күптәр алманан шарлотканы үҙ итһә, кемдер грушанан бешерелгән бәлеште ярата. Бөгөн һеҙҙең табынығыҙҙы йәмләр, күңелдәрегеҙҙе күтәрер һәм еңел әҙерләнә торған грушанан бик тәмле бәлеш рецебы менән таныштырабыҙ.
Ҡамыр өсөн:
125 грамм аҡ май, 2 йомортҡа, 2 груша, 120 грамм шәкәр, 2 стакан тирәһе он, йомшартҡыс.Йомшарған майҙы 100 грамм шәкәр менән ныҡ итеп туғыйбыҙ (миксер менән күперткәнсе туғыһағыҙ, тағы ла шәберәк) Берәмләп йомортҡаларҙы ҡушабыҙ. Был ваҡытта туҡтамай туғып торабыҙ. Ошо массаға иләп кенә он һәм йомшартҡыс ҡушабыҙ ҙа артабан ҡалаҡ менән болғатабыҙ.
125 грамм аҡ май, 2 йомортҡа, 2 груша, 120 грамм шәкәр, 2 стакан тирәһе он, йомшартҡыс.Йомшарған майҙы 100 грамм шәкәр менән ныҡ итеп туғыйбыҙ (миксер менән күперткәнсе туғыһағыҙ, тағы ла шәберәк) Берәмләп йомортҡаларҙы ҡушабыҙ. Был ваҡытта туҡтамай туғып торабыҙ. Ошо массаға иләп кенә он һәм йомшартҡыс ҡушабыҙ ҙа артабан ҡалаҡ менән болғатабыҙ.
Әҙер ҡамырҙы табаға ҡойоп, өҫтөнә йоҡа телемдәргә ҡырҡылған груша һалабыҙ ҙа, ике ҡалаҡтай шәкәр һибеп, мейескә оҙатабыҙ.
Бәлеш 180 градуслыҡ эҫе мейестә 1 сәғәт тирәһе бешә.
Табындарығыҙ - түңәрәк, ризығығыҙ тәмле булһын!
Фото: evadaren.com
Автор: Карима Усманова.
