+21 °С
Болотло
Новости
14 Август 2020, 12:26
Ҡысындырһа...
Ни өсөн кеше күҙгә күренерлек сәбәп булмаһа ла ҡысына. Ғалимдар был хаҡта күптән бәхәсләшә, тик бер ҡарарға һаман килә алмай. Быны аңлау өсөн тәүҙә баш мейеһендәге серҙәрҙе асыҡлау кәрәк, ти ҡайһы берәүҙәр. Һеҙҙең ҡарамаҡҡа белгестәр асыҡлаған ҡайһы бер ҡыҙыҡлы мәғлүмәттәрҙе килтермәксебеҙ.
Баҡһаң, кеше көнөнә 97 тапҡыр тәнен тырнай икән. Өҫтәүенә уның психологик яҡтан “йоғошло” булыуы асыҡланған. Кемдеңдер битен тырнағанын күрһәң, үҙеңдең дә тәнеңдә ҡысытҡан ер барлығын һиҙәһең. Йыш ҡына тән ҡысытыуҙың хайуандар йәки үҫемлектәр менән аралашҡандан һуң барлыҡҡа килеүе билдәле. Сәбәбе –токсиндарҙа. Тәнде тырнағанда ҡан тамырҙары киңәйә, тире ҡыҙара. Был ваҡытта серотонин – “бәхет гормондары” бүленә.
Ғалимдар әйтеүенсә, шуға күрә кеше тырнауҙан туҡтала алмай яфалана. Ни тиклем ул урынды нығыраҡ ҡуҙғытаһығыҙ икән, шул тиклем ул нығыраҡ ҡысыта башлай, сөнки ҡанда гистамин күбәйә, һөҙөмтәлә баш мейеһенә сигналдар ебәрелә. Псориаз, экзема кеүек сирҙәрҙән яфаланған пациенттарға тән тиреһенә тейергә ярамай, улар антигистамин препараттары ярҙамында ғына ҡысытыуҙы баҫа ала. Хроник ҡысыныу кешегә ҙур ауырлыҡтар, яфалар тыуҙыра, ул оҙайлы һәм сәбәпһеҙ төҫлө тойолғанда ла, табип менән кәңәшләшеү мотлаҡ. Уның етди сирҙәрҙең сәбәбе булыуы ихтимал, ти белгестәр.
Ғалимдар әйтеүенсә, шуға күрә кеше тырнауҙан туҡтала алмай яфалана. Ни тиклем ул урынды нығыраҡ ҡуҙғытаһығыҙ икән, шул тиклем ул нығыраҡ ҡысыта башлай, сөнки ҡанда гистамин күбәйә, һөҙөмтәлә баш мейеһенә сигналдар ебәрелә. Псориаз, экзема кеүек сирҙәрҙән яфаланған пациенттарға тән тиреһенә тейергә ярамай, улар антигистамин препараттары ярҙамында ғына ҡысытыуҙы баҫа ала. Хроник ҡысыныу кешегә ҙур ауырлыҡтар, яфалар тыуҙыра, ул оҙайлы һәм сәбәпһеҙ төҫлө тойолғанда ла, табип менән кәңәшләшеү мотлаҡ. Уның етди сирҙәрҙең сәбәбе булыуы ихтимал, ти белгестәр.
Автор: Динә АРЫҪЛАНОВА.
