+22 °С
Ямғыр
Новости
21 Июль 2020, 08:15
Поезд аҫтында ҡалған
Әлшәй районында фажиғәле ваҡиға теркәлгән.
Раевка ауылынан йыраҡ түгел, тимер юлының 1508-се километрында тауар поезды китеп барған. 17 йәшлек ҡыҙ, хәрәкәт итеүсе составты күреүгә ҡарамаҫтан, юлды йүгереп сығып өлгөрөргә теләгән. Машинист, был хәлде күреп, тормозға баҫһа ла, күп тонналы поезды туҡтатыу еңел түгел. Ҡыҙғанысҡа ҡаршы, ҡыҙ бәрелеп, урында уҡ һәләк булған.
Раевкала йәшәгән ҡыҙҙың политехник колледждың беренсе курсын тамамлауы мәғлүм. Әлеге ваҡытта фажиғәнең үҙенсәлектәрен хоҡуҡ һаҡлау органдары асыҡлай.
Был хаҡта “Комсомольская правда” порталы хәбәр итә. Ҡыҙҙың яҡындарының ауыр ҡайғыһын уртаҡлашабыҙ.
Фото: ufa.kp.ru
Гүзәлиә Балтабаева
