+21 °С
Болотло
Новости
13 Июль 2020, 06:57
Ағиҙел йылғаһында - фажиғә
11 июль Краснокама районында ҡот осҡос хәл теркәлә. Ғаилә ялы фажиғәле тамамлана.
Эҫе көндә Ағиҙел йылғаһы буйына ғаилә ял итергә төшә. Урын Йәнегет ауылынан йыраҡ булмай. Бер мәл ата-әсә ете йәшлек улдарының бер ҡайҙа ла күренмәүенә иғтибар итә һәм яр буйлап эҙләргә тотона. Малайҙы үҙҙәре генә таба алмаясағын аңлағас, улар ҡотҡарыусыларҙы саҡыра. Ҡыҙғанысҡа ҡаршы, малайҙың йәнһеҙ кәүҙәһен һыуҙан алып сығалар.
Башҡортостан буйынса Ғәҙәттән тыш хәлдәр министрлығы ата-әсәгә балаларын йылға-күл буйҙарына яңғыҙ ебәрмәҫкә, рөхсәт ителмәгән урындарҙа һыу инмәҫкә саҡыра. Һаҡ булығыҙ!
Фото: zen.yandex.ru
Автор: Карима Усманова.
