+21 °С
Болотло
Новости
9 Июль 2020, 09:28
Ҡунаҡҡа беҙҙә нимә оҡшамаған?
Екатеринбургтан Башҡортостанға килгән ҡунаҡ йәмәғәт транспортының эшенә ҡәнәғәтһеҙлеген белдергән. Был хаҡта ул республика власы органдарының электрон ҡабул итеү сайтында Башҡортостан Башлығына мөрәжәғәт ҡалдырған.
Ул үҙенең Башҡортостанға йыш ҡунаҡҡа килеүен, бында өләсәһе һәм ҡәйнәһе йәшәүе тураһында яҙған.
- Эш шунда: Өфөлә йәмәғәт транспортында бик тынсыу, кеше күп, тын алырға кислород етешмәй, ә кондукторҙың да, водителдең дә тәүге ярҙам күрһәтерлек белеме юҡ. Бер ҡатын иҫен юғалтып йығылғанда, уға тәүге ярҙам күрһәтә алған кеше булманы. Ярай әле, граждандар араһында тәүге ярҙамдың саф һауа икәнлеген белеүселәр бар. Минең мөрәжәғәтемде ҡарап, уға яуап биреүегеҙҙе үтенәм, алдан һеҙгә рәхмәт белдерәм! - тигән Свердлов өлкәһендә йәшәгән ир.
Ufa1.ru порталы хәбәр итеүенсә, Башҡортостан Башлығының матбуғат хеҙмәте ҡунаҡтың мөрәжәғәтен яуапһыҙ ҡалдырмаясаҡ.
Тимур Шәрипҡолов фотоһы.
Автор: Дина Арсланова.
