+22 °С
Ямғыр
Новости
29 Июнь 2020, 11:05
Әлеге үҙенсәлектәрен һаҡлау мөһим
Парктағы урман биләмәһе балансының киләсәктәге үҙгәрештәрен иҫәпкә алырға кәрәк. Ошо һәм башҡа мәсьәләләр хаҡында 28 июндә Өфөләге Урмансылар исемендәге паркка арналған семинарҙа Мәскәү урбанистика үҙәген төҙөүсе, М.В. Ломоносов исемендәге Мәскәү дәүләт университеты иҡтисад факультетының Урбанистика үҙәге директоры, Мәскәү Мәҙәниәт департаментының элекке етәксеһе Сергей Капков һөйләне.
“Өфөләге Урмансылар исемендәге парк – Башҡортостан, Өфө өсөн үҙенсәлекле урын. Ул, әлбиттә, һаҡланырға һәм тәбиғәт бында килеүселәр, йәшәүселәр менән гармонияла булырға тейеш. Минеңсә, иң мөһиме – урман балансы. Был урын мәҙәниәт һәм ял үҙәге түгел, был урман биләмәһе булырға тейеш. Унда ҡала шау-шыуынан, тормош тиҙлегенән "йәшеренергә" мөмкин. Тағы урман паркының төрлө йәштәгеләр өсөн уңайлы булыуы зарур”, – тине Сергей Капков.
Эксперт белдереүенсә, бында кешеләр тәбиғәт менән һоҡлана, футбол уйнай алырға, тыныслыҡта ял итергә тейеш. Тәбиғәттең үҙ ҡанундары менән йәшәүе, йәнлектәр донъяһына шау-шыу ҡамасауламауы мөһим.
“Парк өсөн нимә кәрәклеген уйларға тейешбеҙ. Аҙаҡ ошо фекер-һөйләшеүҙәрҙе бер документҡа тупларға, осрашырға һәм дәлилдәр менән раҫларға ҡала, – ти Сергей Капков. – Иң мөһиме - балансты, һәр ял тиерлек бында килгәндәрҙең биләмәгә ҡарата мөнәсәбәтен боҙмаҫҡа”.
https://bash.rbsmi.ru/articles/y-m-i-t/lege--ens-lekt-ren-a-lau-m-im-342733/
Фото: Өфө ҡалаһы хакимиәте.
Автор: Айһылыу Низамова
