+21 °С
Облачно
Новости
8 Июня 2020, 10:41
Юғалған малай табылды!
Салауат районының Урмантау ауылында ике көн элек юғалған алты йәшлек Ренель Ғәниев иҫән-һау табылған!
Әле уны табиптар ҡарай, тип хәбәр итәләр Башҡортостан буйынса Эске эштәр министрлығының матбуғат хеҙмәтенән.
Унан алда республиканың тәфтиш комитеты бәләкәй бала юғалыу сәбәпле эҙләүҙе еңеләйтеү өсөн үлтереү тураһында енәйәт эше асҡайны. Эҙләүҙә тәфтишселәр, криминалистар ҡатнашты, шулай уҡ ауылдаштар, ирекмәндәрҙең эҙләү-ҡотҡарыу отряды әүҙем ҡушылды.
"Малай иҫән-һау, Иҙелбай ауылында йылға яры буйында табылды. Әле уны медицина хеҙмәткәрҙәре тикшерә", ти агентлыҡ хеҙмәткәре.
Барыһы ла яҡшы тамамланыуына ифрат шатбыҙ! Балаларыбыҙ имен-аман булһын!
Фото: ok.ru
Автор: Аклима Гизатуллина.
