+21 °С
Болотло
Новости
27 Май 2020, 09:07
Өфөлә 30 майҙа фонтандарҙы асыу күҙаллана
30 майҙа Өфө фонтандары асыла. Ләкин был һынау рәүешендә генә.
Артабанғы эш объекттарҙың кәрәкле булыуына һәм эпидемиологик сараларҙың үтәлеүенә бәйле була, тип хәбәр итте коммуналь хужалыҡ һәм төҙөкләндереү идаралығы етәксеһе Рөстәм Хәмитов оператив кәңәшмәлә. Фонтандарҙың күпселеген 1 июндә – Балаларҙы яҡлау көнөндә асыу көтөлә.
Өфө хакимиәте башлығы Өлфәт Мостафин ҡушыуы буйынса, ҡаланың барлыҡ яһалма һыу объекттарында социаль дистанцияны тотоу һәм шәхси һаҡланыу сараларын файҙаланыу тураһында махсус табличкалар ҡуйыла.
Шулай уҡ 1 июлдә Өфөлә «Имәндәр» скверында «Торналар» яңы музыкаль фонтанын асыу күҙаллана. Унда йәйәүлеләр өсөн махсус зона булдырыла.
