+22 °С
Ямғыр
Новости
19 Май 2020, 06:51
Олатаһы күрмәй ҡалған шул...
Бәлә аяҡ аҫтында ғына икәнен ҡайһы саҡта онотабыҙ. Айырыуса үҫмерҙәр һаҡлыҡ ҡағиҙәләрен һанға һуҡмаҫҡа тырыша. Кушнаренко районында йәшәгән 13 йәшлек малай тап шул һаҡһыҙлыҡ арҡаһында урындағы район дауаханаһына эләгә лә.
Ғәҙәттән тыш хәлдәр министрлығы хәбәр итеүенсә, үҫмер олатаһы өйҙә булмағанда мунса яғырға маташа. Утты тоҡандырыу өсөн тиҙ ялҡынланыусы шыйыҡлыҡ ҡуллана. Аҙағы билдәле инде, малай утта ныҡ бешә. Янғын һүндереүселәрҙе саҡырып тормайҙар, үҙҙәре утты һүндерәләр. Ә баланы район үҙәк дауаханаһынан Өфөләге 18-се дауаханаға күсергәндәр. Үҫмерҙең тиҙерәк һауығыуын теләйбеҙ. Был фажиғәгә өлгәшә яҙған күңелһеҙ хәл өлкәндәр өсөн дә әсе һабаҡ.
Фото: Ғәҙәттән тыш хәлдәр министрлығы.
https://bash.rbsmi.ru/articles/kh-ef-e-lek/Olata-i-k-rm-y-al-an-shul-274169/
Автор: Дина Арсланова
