+21 °С
Болотло
Новости
13 Май 2020, 13:45
Һуңғы тәүлек нимә күрһәтте?
Үткән тәүлектә яңы коронавирус инфекцияһын йоҡтороу осрағы 49-ға артты. Шулай итеп, бөгөнгә республикала ауырыуҙар һаны 1696 кеше тәшкил итә.
Рәсәйҙә мәкерле вирусты йоҡтороусылар һаны - 242 271 , 48 меңдән ашыу кеше һауыҡҡан, ҡыҙғанысҡа ҡаршы, 2 212 пациент вафат булған.
Коронавирусҡа ҡаршы көрәш буйынса республика штабы белдереүенсә, иртәгәнән башлап йәмәғәт транспортына битлек һәм бирсәткәһеҙ индермәйәсәктәр. Өҫтәүенә аңлатыу эше алып барыласаҡ, пассажирҙарға битлек һәм бирсәткәләр таратыласаҡ.
Хәҙерге көсөргәнешле мәлдә санитария-гигиена талаптарын үтәү, сәләмәтлегеңде ҡайғыртыу бик мөһим. Табиптар әйтеүенсә, айырыуса йәмәғәт транспортында сирҙе йоҡтороуы еңел. Бөгөн иң хәүефле урын – транспорт!
Фото: ProUfu.
Дина Арсланова
