+22 °С
Ямғыр
Новости
3 Май 2020, 10:50
Сирлеләр арта...
һуңғы тәүлектә Башҡортостанда тағы 92 пациентта яңы төр коронавирус инфекцияһы раҫланды. Ауырыуҙар һаны меңгә яҡынлаша. Республикала әле 935 кешелә КОВИД-19 вирусы асыҡланған. 396 кеше стационарҙа, 31 пациенттың хәле ауыр тип баһалана. Бөгөн йәнә 7 кеше йүнәлгән, дауахананан һауығып сығыусылар 183-кә етте.
Әлегә тиклем Башҡортостанда коронавирустан 14 кешенең ғүмере өҙөлдө. Башҡортостандың һаулыҡ һаҡлау министры Максим Забелин әйтеүенсә, коронавирус йоҡтороу осраҡтарының артыуы, тәү сиратта ковид-19 вирусын асыҡлау маҡсатында уҙғарылған лаборатория тикшереүҙәре һөҙөмтәһе.
Быға Мәскәү һәм Рәсәйҙең башҡа төбәктәренән килгән кешеләрҙе даими күҙәтеүгә алыу ҙа өҫтәлә. Әлегә тиклем Башҡортостанда барлығы 77 меңдән ашыу кеше тикшереү үткән, һуңғы тәүлектә генә 3 мең 600-ҙән ашыу кешегә тест эшләнгән.
