+21 °С
Болотло
Новости
26 Апрель 2020, 05:00
Гөлназ Асаева: "Һағындым, үләм..."
Үҙ-үҙеңде изоляциялау ваҡытында тыуған яҡҡа, яҡындарың янына ҡайтып килеп тә булмай шул. Йырсы Гөлназ Асаева ла туған-тыумасаларын һағынып, Инстаграм битендә яҙма урынлаштырған.
"Һағындым, үләм! Өләсәйҙе, ҡартатайҙы, атайымды, әсәйҙе... Сыҙап булмай бит! Ҡайта алмай ят инде яҡындарың янына! Ауылымды һағындым, Башҡортостанымды һағындым! Ҡурай тауышын һағындым! Үләм..." – тип яҙа Гөлназ.
Йырсыны башҡа артистар һәм яҙылыусылары йыуатырға тырыша: "Түҙергә инде, балам, һағындыҡ беҙ ҙә", "Иҫәнлек кәрәк, ҡайтырһың, Алла бойорһа".
Әммә Гөлназды әрләп яҙған кешеләр ҙә бар. "Ҡайт! Ниңә ҡайтмайһың? Кешеләр йөрөй бит, пропуск ал да, әйҙә, алға!" – тип яҙған берәү. Гөлназ иһә уға: "Бына һеҙҙең кеүек йүләрҙәр арҡаһында был сир артҡандан-арта бара ла инде!" – тип яуап биргән.
Фото: tvoytube.ru
