+22 °С
Ямғыр
Новости
25 Апрель 2020, 05:05
Бәшмәкле ҡоймаҡ
Был ризыҡты әҙерләр өсөн дүрт стакан он, бер йомортҡа, бер литр һөт, самалап тоҙ, сода, 800 грамм бәшмәк, ике баш һуған, үҫемлек майы кәрәк.
Тәүҙә ҡоймаҡ өсөн ҡамыр әҙерләйбеҙ. Һөткә он, йомортҡа, тоҙ, сода һалып туғыйбыҙ. Әҙер ҡамырға үҫемлек майы өҫтәп, яҡшы итеп болғағас, ҡоймаҡ ҡоябыҙ. Эслек өсөн бәшмәкте һуған менән бергә көнбағыш майында ҡыҙҙырып алабыҙ. Ошо массаны ҡоймаҡҡа һалып, конверт формаһында төрәбеҙ. Ризығыбыҙ әҙер. Уны өҫтәлгә ҡаймаҡ йәки майонезға йәшел тәмләткестәр - һуған, һарымһаҡ ҡыяғы, укроп ҡушып эшләнгән соус менән бирергә мөмкин.
Ашығыҙ тәмле булһын!
Фото: uavgusta.net
Автор: Рисаля Юмагулова.https://bash.rbsmi.ru/articles/matur-t-en-yaly-y/B-shm-kle-oyma-234376/
