"Их, өләсәйҙең өйөнә тиклем йәйәү барырға ине..."

Баҡтиһәң, ул өс йыл түшәктә ятып, 10 йәшендә генә ҡабаттан имгәкләргә өйрәнеп, аҙаҡ ҡына тәпәй киткән икән...

"Бәләкәй саҡта ауылда итек кейеп хоккей уйнай инек. Туҡтай алмай торғайныҡ. Уның зыяны сәләмәтлектә сағылды: бер ваҡыт аяҡҡа баҫа алмай башланым. Алты йәшемдә табиптар Пертес ауырыуы диагнозын ҡуйҙы. Өс йыл дауаханала түшәктә яттым. Ашауым да, бәҙрәфкә йөрөүем дә - шунда ятҡан килеш кенә. Ул йылдар минең өсөн дә, атай-әсәйемә лә ауыр һынау осоро булды. Ошо арала аяҡ мускулдары бөтөнләй ҡаҡшаған ине. Ҡабаттан имгәкләргә өйрәнеп, яңынан аяҡҡа баҫырға тура килде. Башта ҡултыҡ таяҡтары менән йөрөнөм, аҙаҡ - тотоноп. Һәм әкренләп атлап киттем.

Мин һәр ваҡыт хыял менән йәшәнем һәм йәшәйем. Түшәктә лә: "Их, өләсәйҙең ҡапҡа төбөнә тиклем йәйәү барырға ине", - тип ятыр инем. Барҙым. Һуңынан: "Эх, велосипедта йөрөргә ине", - тинем. Аллаға шөкөр, был хыялым да тормошҡа ашты. Матайға ла мендем. Машинаға ла ултырҙым... Хоҙайыма мең рәхмәт!"

https://bash.rbsmi.ru/articles/y-m-i-t/Ih--l-s-y-e--y-n-tiklem-y-y--barir-a-ine-226345/
Фото: Vk.com