“Маруся” ярҙам итә

“Маруся” гастрономы 15 дана аҙыҡ-түлек йыйылмаһы әҙерләгән. “Әлеге ҡатмарлы мәлдә ауыр хәлдә ҡалған ғаиләләргә ярҙам итә алабыҙ икән, итергә кәрәк”, - тип билдәләне сауҙа нөктәһенең идарасыһы Наталья Әһлиуллина.

Эшҡыуар мохтаж ғаиләләр өсөн тәғәйенләнгән йыйылманы мөмкин тиклем кәрәкле, файҙалы аҙыҡ-түлектән тупларға тырышҡан: көнбағыш майы, он, ярма, макарон, сәйҙән тыш, тәм-том да бар. Натальяның күстәнәстәрен ирекмәндәр тейешле адрестарға алып барып еткерәсәк.

Әгәр һеҙ ирекмән булырға теләһәгеҙ, йәки ниндәй ҙә булһа ярҙамға мохтаж икәнһегеҙ, “Берҙәм Рәсәй” партияһының тәүлек әйләнәһенә эшләгән колл-үҙәгенә шылтырата алаһығыҙ, телефон: 8-800-201-89-03. Шулай уҡ Халыҡты социаль хеҙмәтләндереү республика үҙәгенең “Ҡыҙыу бәйләнеш”енә шылтыратып та ғариза ҡалдырырға мөмкин: 8-800-775-00-14.

Фото: видеонан скриншот.