+22 °С
Ямғыр
Новости
5 Апрель 2020, 20:00
Ҡайҙа һин, Илшат?
36 йәшлек ирҙе 9 марттан бирле таба алмайҙар. Илшат Йәрмөхәмәтов - Ҡырмыҫҡалы районының Яңы Ҡыйышҡы ауылы кешеһе. Ул өйөнән сығып китеп ғәйеп булған.
Борсолған туғандары тәүҙә полицияға, аҙаҡ ирекмәндәргә мөрәжәғәт иткән. Тик ошоға тиклем уның тураһында бер ни ҙә билдәле түгел. Әйткәндәй, ирҙең хәтерен юғалтыуы ихтимал.
Социаль селтәрҙәрҙә Илшат һуңғы тапҡыр 9 мартта 10.40 сәғәттә булған. Шунан бирле “Бәйләнештә”гә инмәгән.
Уның билдәләре: буйы 170-175 см, ябыҡ, сәстәре ҡара, күҙе көрән. Сығып киткән көндә ҡара-зәңгәр куртка, ҡара-зәңгәр классик джинсы салбар һәм ҡара кроссовки кейгән булған.
Әгәр һеҙ уның ҡайҙалығын белһәгеҙ, полицияға хәбәр итергә йәки 8 (800) 700-54-52 телефоны буйынса ирекмәндәргә шылтыратырға кәрәк.
Фото: "Бәйләнештә".
Альфия Мингалиева
