+21 °С
Болотло
Новости
1 Апрель 2020, 08:12
Эшен ташлап, ирекмән булып киткән
Илдә 65 йәштән уҙған өлкәндәр өсөн карантин индерелә. Сирҙәргә тиҙ бирешеүсән ололарҙың сәләмәтлеген һәм ғүмерен һаҡлау өсөн эшләнә был. Яңғыҙаҡтар һәм инвалидтарҙы аҙыҡ-түлек, дарыуҙар менән тәьмин итеүҙе ирекмәндәр үҙ өҫтөнә ала. Улар өсөн телефон да эшләй.
Ирекмәндәр рәте тулылана башлаған, тип хәбәр итә Bash.News. Анна Исмәғилева хатта эшен ташлап, ирекмән булып киткән, үҙ машинаһына аҙыҡ-түлек тейәп, пенсионерҙарға фатир буйлап таратып йөрөй. Үҙе битлек һәм бирсәткәләр кейеп алған, хәүефһеҙлек саралары бик мөһим шул бөгөн.
Коронавирусты өлкәндәрҙең ауыр үткәргәне билдәле, шуға күрә урамға сығып йөрөмәй, бөтә һорауҙар менән туғандарға йәки ирекмәндәргә мөрәжәғәт итергә кәрәк.
Анна Исмәғилева - республикала үҙ машинаһында түләүһеҙ эшләгән ирекмәндәрҙәең беренсеһе. Ярҙам һораусылар "ҡыҙыу бәйләнеш"кә шылтырата, ирекмәндәр колл-үҙәк биргән исемлек буйынса фатир буйлап йөрөй. Иң мөһиме, бөтә санитария нормаларын һаҡлайҙар, ишек тупһаһынан ары үтмәйҙәр.
Фото:Bash.News.
https://bash.rbsmi.ru/articles/s-l-m-t-bulayy/Eshen-tashlap-irekm-n-bulip-kitk-n-188384/
Автор: Дина Арсланова
