+21 °С
Болотло
Новости
31 Март 2020, 05:50
"Берҙәм Рәсәй" яңы дәрескә саҡыра
31 мартта, 15:00 сәғәттә “Берҙәм Рәсәй”ҙең коронавирусты иҫкәртеү мәсьәләләре буйынса сираттағы “Граждандар университеты” онлайн лекторийы көтөлә.
Лекция темаһы - “Үҙ-үҙеңде сикләү шарттарындағы тормош”. Белемде арттырыу процесын ойоштороу тураһында Башҡортостандың мәғариф һәм фән министры урынбаҫары Инесса Косолапова һѳйләйәсәк. Ваҡытты нисек уҙғарыу буйынса Башҡортостандың Уҡыусылар хәрәкәте рәйесе Ирина Антонова сығыш яһаясаҡ. Республика Һаулыҡ һаҡлау министрлығының штаттан тыш инфекционисы Дамир Вәлишин иһә үҙ-үҙеңде сикләү шарттарында таҙалыҡ ҡағиҙәләрен мотлаҡ үтәү тураһында иҫкәртәсәк.
Видеомәктәпкә һәр кем ҡушыла ала. Трансляция партияның Ютуб-каналында үтә. Шунда уҡ уҙғарылған лекцияларҙы ҡарарға мѳмкин. Шулай уҡ “Бәйләнештә” тѳркѳмѳндә ҡабатлана. Онлайн режимда һорау бирергә лә мѳмкин.
Фото “Берҙәм Рәсәй” тѳбәк бүлексәһе сайтынан.
Рәмилә Мусина
