+22 °С
Ямғыр
Новости
23 Март 2020, 07:04
Ветчина менән драниктар
Был ризыҡты әҙерләү өсөн алты картуф, бер һуған, 200 грамм ветчина, 200 грамм ҡаты сыр, ике йомортҡа, ике аш ҡалағы ваҡланған әнис, дүрт-биш ҡалаҡ он, тоҙ, борос, көнбағыш майы кәрәк.
Тәүҙә картуфты таҙартабыҙ, һуғанды, әнисте ваҡлап турайбыҙ. Картуфты, сырҙы, ветчинаны ҡырғыс аша үткәреп тоҙ, борос ҡушабыҙ. Уға ике сей йомортҡа, әнис, он ҡушып һәйбәтләп болғатабыҙ. Ҡатнашма әҙер. Артабан майлы табаны ҡыҙҙырабыҙ. Ҡоймаҡ кеүек итеп ҡойоп, ике яғын әйләндереп, ҡыҙарғансы талғын ғына утта бешерәбеҙ.
Өҫтәлгә ҡаймаҡ, йәшел тәмләткестәр турап әҙерләнгән соус менән бирергә мөмкин.
Ашығыҙ тәмле булһын!
Фото: Ok.ru
Автор: Рисаля Юмагулова
