+22 °С
Ямғыр
Новости
16 Март 2020, 10:16
Юлда ятҡан кешене абайламаған
14 мартта киске сәғәт туғыҙҙар тирәһендә Учалы ҡалаһы биҫтәһендә 31 йәшлек водитель «Лада Приора» автомобилендә гражданды тапата. 44 йәшлек ир ни эшләптер юлда ятҡан була, иҫерек булған тигән фараз бар. Ауыр йәрәхәттәрҙән ул фажиғә урынында йән бирә.
- Ҡараңғы булыу сәбәпле, водитель юлда кеше ятҡанын аңғармай ҡалған, тапалған кешенең кейемендә фликерҙар ҙа булмаған. Водитель алкоголь эсемлектәр ҡулланмаған, әммә автомобиль йөрөтөү хоҡуғынан мәхрүм ителгән булған. Фажиғә сәбәптәрен асыҡлау буйынса тикшереү бара, - тип аңлатма бирҙе РФ Эске эштәр министрлығының Учалы районы буйынса бүлексәһе ЮХХДИ-һының Юл хәрәкәте хәүефһеҙлеген пропагандалау буйынса инспекторы, өлкән лейтенант Гөлнара Ғүмәрова.
Әйткәндәй, быйыл Учалыла йәйәүлеләрҙе тапатыу буйынса биш осраҡ теркәлгән.
https://bash.rbsmi.ru/articles/kh-ef-e-lek/Yulda-yat-an-keshene-abaylama-an-166544/
Фото: “Башинформ”.
Автор: Римма Султанова
