+22 °С
Ямғыр
Новости
13 Март 2020, 19:30
Ике үҫмер юғалған
Өфөлә хәбәрһеҙ юғалған ике үҫмерҙе эҙләйҙәр. "Балаларҙы эҙләү" (Башҡортостан) ирекмәндәре ойошмаһы хәбәр итеүенсә, 11 йәшлек Артем Иванов һәм 13 йәшлек Озгюр Ямакаев кисә, 12 мартта, юғалған. Әлеге мәлдә уларҙы полиция хеҙмәткәрҙәре һәм ирекмәндәр эҙләү менән мәшғүл. Улар сауҙа үҙәктәрендә булып, хеҙмәткәрҙәрҙән ошо йәштәр тирәһендәге үҫмерҙәргә иғтибар итеүҙәрен үтенгән.
"Шишмә районындағы балалар шифаханаһынан бәлиғ булмаған ике үҫмер ҡасҡан. Полиция хеҙмәткәрҙәре уларҙы эҙләй", - тип аңлатма бирә БР Эске эштәр министрлығының матбуғат хеҙмәте.
Билдәләренә иғтибар итегеҙ: Артем уртаса кәүҙәле, буйы 139 см, асыҡ һары сәсле, тыумыштан күреү дефекты бар. Ҡара ҡыҙыл төҫтәге куртка, яҙыулы күк толстовка, ҡара трико, ҡара ботинка кейгән.
Озгюрҙың буйы 160 см, һоро сәсле. Өҫтөндә - ҡара төҫтәге куртка, башында - спорт шапкаһы, аяғында - ҡышҡы ботинка.
Күреүселәр булһа, 8-927-969-89-19 һандарына шылтыратыуығыҙ һорала.
Фото: интернет селтәренән.
Аклима Гизатуллина
