+22 °С
Ямғыр
Новости
10 Март 2020, 16:44
Мунсала бала тапҡан һәм ҡалдырып киткән
8 март көнө Тәтешле районынан бер ҡатын сабыйының йәнһеҙ кәүҙәһен табиптарға алып килгән һәм ҡыҙын ҡотҡарыуҙарын һораған.
Дауаханаға бала мәйетен килтергәнлектән, аҡ халатлылар полиция саҡыртырға мәжбүр булған. Баланың нисек донъяға килеүе һәм үлеме тураһында хәбәр барыһын да шаҡ ҡатырған.
Баҡһаң, 26 йәшлек ҡатын 3 март мунсала бала тапҡан һәм уны мунса соланында ҡалдырып сыҡҡан. Бәпесен ул ни бары ... биш көндән һуң барып алырға уйлаған. Был ваҡытта, билдәле, сабый яҡты донъя менән хушлашҡан булған.
Әлеге ваҡытта полиция баланың үлеме буйынса тикшереү алып бара.
Фото: социаль селтәрҙәр.
