+22 °С
Ямғыр
Новости
8 Март 2020, 08:30
Яҙғы мәшәҡәттәр башлана
Яҙ байрамы менән мәшәҡәттәр ҙә арта башлай. Ихатала ҡаҙҙар булыу – байлыҡка, тип юҡҡа ғына әйтмәйҙәрҙер. Хәҙер ауыл халҡының күбеһе, ошо ҡошто үрсетеп, ярайһы керем ала. Ҡаҙ ите һорау менән ҡуллана, ә ҡаҙ бәпкәләрен интеграция программаһы буйынса уңайлы шарттарҙа күрше Федоровка районындағы “Башҡорт ҡаҙы” йәмғиәтенән алырға мөмкин.
Был ҙур ғына предприятиела тәүге йомортҡаларҙы инкубаторға 6 мартта һалғандар. Ике инкубация шкафына һигеҙ мең аҡ итальян тоҡомло ҡаҙ йомортҡалары һалынған. Һалыр алдынан белгестәр уларҙы сорттарға айырған һәм эшкәрткән. Кампанияның уңышы туранан-тура бәйле булған был яуаплы эште Надежда Савкина, Әлфиә Йәғәфәрова һәм башҡалар эшләгән. Коллектив тырышлығ менән быйыл тәүге бәпкәләр 4 апрелдә сығырға тейеш.
