+22 °С
Ямғыр
Новости
6 Март 2020, 12:17
“Ҡыҙыл әтәс” ҡотора
6 мартта, төндә Балтас районының Түбәнге Янаҡтай ауылында янғын сыға. Тиҙ арала килеп еткән ҡотҡарыусылар 5х5 майҙанлы ағас йорт яныуын күрә. Утты һүндереүҙә эргә-тирәләге өс ауыл биләмәһенең ирекле янғын һүндереү отрядтары ла ҡатнаша. Ярты сәғәт эсендә “ҡыҙыл әтәс” ауыҙлыҡлана.
Ҡыҙғанысҡа ҡаршы, ҡаза урынында 58 йәшлек ир кешенең кәүҙәһе табыла. Фажиғә сәбәптәрен асыҡлау буйынса тикшереү бара.
Дүшәмбе көнө Белорет ҡалаһында күп фатирлы йортта сыҡҡан янғында ла кеше ғүмере ҡыйылғайны. Ҡотҡарыусылар алты кешене, шул иҫәптән бер баланы эвакуациялап өлгөрәләр, әммә 67 йәшлек пенсионер ауыр йәрәхәттәрҙән табиптар ҡулында йән бирә.
Янғын сығыу осраҡтары, уларҙа кешеләрҙең һәләк булыуы һәм йәрәхәтләнеүе һаман да кәмемәй. Ут сығыуҙың төп сәбәптәре – янғын хәүефһеҙлеге ҡағиҙәләрен һанға һуҡмау. Иҫегеҙҙә тотоғоҙ: янғынды һүндереүгә ҡарағанда, иҫкәртеү еңелерәк.
Фото: БР буйынса Ғәҙәттән тыш хәлдәр министрлығынан.
Автор: Римма Султанова.https://bash.rbsmi.ru/articles/kh-ef-e-lek/i-il-t-s--otora-152897/
