+22 °С
Ямғыр
Новости
5 Март 2020, 11:36
Сауҙа үҙәге атышыу майҙаны түгел!
1 март көнө полицияға Татарстандың Түбәнге Кама ҡалаһы сауҙа үҙәктәренең береһендә атыу тауыштары ишетелеүе тураһында хәбәр килә.
Ведомство хеҙмәткәрҙәре килеп еткәнсе, учреждениеның именлек хеҙмәте һаҡсылары хоҡуҡ боҙоусыларҙы асыҡлап, ҡулға ала.
Улар Башҡортостан кешеләре булып сыға. 37 йәшлек иҫерек ирҙән пневматик пистолет, ә 23 йәшлек егеттән ошо ҡорал өсөн тәғәйенләнгән газ баллоны тартып алына.
“Тәүтикшереүҙәр асыҡлауынса, хулиганлыҡ ниәте менән, ҡулға алыныусыларҙың береһе сауҙа үҙәге бинаһында пневматик пистолеттан һауаға бер-нисә тапҡыр атҡан”, - тип хәбәр итәләр ведомствонан.
Бәхеткә күрә, зыян күреүселәр юҡ.
Бындай “шаярыу” өсөн яҡташтарыбыҙға суд алдына баҫырға тура киләсәк. “Хулиганлыҡ ҡылыу” статьяһы буйынса енәйт эше ҡуҙғатылған.
Фото: “Башинформ”
Автор: Римма Султановаhttps://bash.rbsmi.ru/articles/y-m-i-t/Sau-a--ge-atishiu-may-ani-t-gel-151020/
