+20 °С
Ямғыр
Новости
4 Март 2020, 05:45
Яңы быуын китапханалар асыла
Рәсәй Президенты Владимир Путин былтыр майҙа раҫлаған “Мәҙәниәт” милли проектына ярашлы, Башҡортостанда биш йыл эсендә 20 яңы быуын китапханаһы барлыҡҡа киләсәк.
23 марттан 9 апрелгә тиклем киләһе йыл модель китапхана асыуға ғариза бирергә мөмкин. Башҡортостандың Мәҙәниәт министрлығынан хәбәр итеүҙәренсә, быйыл модель китапханалар Благовар, Дүртөйлө, Туймазы райондарында барлыҡҡа киләсәк. Уларҙы асыуға федераль ҡаҙнанан 20 миллион һум аҡса йүнәлтелгән.
Модель китапханаларҙың маҡсаты – райондарҙағы халыҡты мәғлүмәттәр менән даими таныштырыу, китапхана хеҙмәте күрһәтеү сифатын яҡшыртыу.
Фото: theworldnews.net
Автор: Лилия Давлетбакова.https://bash.rbsmi.ru/articles/belem-m-t-rbi/Ya-i-biuin-kitaphanalar-asila-147965/
