+21 °С
Болотло
Новости
2 Март 2020, 12:08
Әбйәлилдә Ҡытай граждандары тикшереү үткән
Республиканың Әбйәлил районында урынлашҡан изоляторҙа 14 Ҡытай гражданы күҙәтеү аҫтында тотолған: сит ил кешеләре коронавирус йоҡторған тигән шик бар.
Был хаҡта “Комсомольская правда” баҫмаһы хәбәр итә. Медицина учреждениеһы цемент заводы биләмәһендә ойошторолған. Айырым торған бинала 16 изолятор бар, улар коронавирусҡа бәйле шик аҫтына алынғандарҙы күҙәтеү аҫтында тотоу өсөн булдырылған.
10 февралдә унда карантинға 14 Ҡытай гражданы оҙатылған. Пациенттар көн дә медицина тикшереүе үткән, ошо көндәр эсендә уларҙа ауырыу билдәләре асыҡланмаған.
Асҡар район дауаханаһы мәғлүмәттәре буйынса, 10 һәм 25 февралдә кешеләрҙән коронавирусҡа тикшереү өсөн ҡан анализы алынған, 27 февралдә һөҙөмтәһе асыҡланған: изоляторҙағы граждандарҙа корнавирус юҡ. Кисә был граждандар өсөн карантин тамамланған.
Шулай итеп, Башҡортостан биләмәһендә коронавирус инфекцияһы менән сирләү осрағы рәсми теркәлмәгән.
Фото: vesty.co.il
Автор: Гүзәлиә Балтабаева.https://bash.rbsmi.ru/articles/s-l-m-t-bulayy/by-lild--itay-gragdandari-tikshere--tk-n-143945/
