Лайфхак тормошто еңеләйтә

1. Ҡатын кешенең йәшен белергә теләйһегеҙ, тик тураһын һорарға ҡыймай­һығыҙ икән, унан көнсығыш йондоҙ­намәһе буйынса кем икәнен белешегеҙ. Моғайын, 12 йылға яңылыш­маҫһығыҙ.

2. Ҡайнар сәй йәки ҡәһүәне тиҙ генә һыуытырға теләһәгеҙ, сынаяҡҡа өс-дүрт бәләкәй йәки бер-ике аш ҡалағы һалығыҙ.

3. Спагетти ашарға ярата­һығыҙмы? Бер кешелек порцияны дөрөҫ иҫәпләү өсөн пластик шешә кәрәк. Уның моронона күпме туҡмас һыя, бер кешегә шунса етә.

4. Магазинға китер алдынан һыуыт­ҡысығыҙҙың эсен фотоға төшөрөгөҙ. Был һеҙҙә булған нәмәне алмаҫҡа ярҙам итәсәк.

5. Һыйығыҙ күп, ә өҫтәл бәләкәй икән, ике ҡатлы посуда ҡулланығыҙ. Улар менән хәҙер магазин тулған.

6. Ҡырҡылған сыр һыуыт­ҡыста кипмәһен өсөн уға һыйыр майы һөртөгөҙ.

7. Әгәр табаны тоҙ менән бергә ҡыҙҙырһағыҙ, бешергән саҡта аҙыҡ таба төбөнә йәбешмәйәсәк.

8. Сәйәхәткә йыйынған саҡта үҙегеҙгә “Нимә алырға кәрәк?” тип түгел, ә “Мин нимәһеҙ бара алмайым?” тигән һорау бирегеҙ. Был әйбер йыйыуҙы күпкә еңеләйтәсәк.

9. Ағас йыһаздарҙың етешһеҙ урындарын йәшерергә теләһәгеҙ, уны таҙар­тылған әстрхан сәтләүеге менән ышҡығыҙ.

10. Ремонт башлайһығыҙмы? Буяу банкаһына канцеляр рези­наһы кейҙереп ҡуйығыҙ. Шул саҡта бумалала артып ҡалған буяуҙы төшөрөү еңелерәк була.

11. Кешеләр дөйөм фотографияла күҙҙәре йомоҡ төшмәһен тиһәгеҙ, уларға күҙҙәрен ябырға ҡушығыҙ һәм, өскә тиклем һанағас, бөтәһе лә асһын.

12. Әгәр сайтта ҡапыл хә­рефтәр ҙурайып китһә, CTRL + 0-гә баҫығыҙ. Ул элекке масштабты ҡайтарасаҡ.

13. Яңы фатирға күстегеҙ һәм әлегә шкафтарығыҙ юҡмы? Стенаға кәрниз ҡағып тороғоҙ – әйберҙәрегеҙҙе ваҡыт­лыса элергә урын булды.

14. Ҡапыл яҡтылыҡ бөтһә, ә теле­фондың көсө бар икән, бер шешә һыу ярҙамында яҡтырт­ҡыс эшләргә була. Экраны янып торған телефон өҫтөнә һыулы шешәне ҡуйығыҙ – яҡтыртҡыс әҙер.

15. Яҡын кешегеҙгә бүләккә нимә алырға белмәйһегеҙме? “Мин һиңә бүләк алдым, нимә икәнен әйтеп ҡара әле” тиһәгеҙ, ул тәү сиратта үҙенә кәрәк нәмәләрҙе һанап сығасаҡ.