+21 °С
Болотло
Новости
26 Февраль 2020, 11:12
Күҙенә 16 йәшлек үҫмер атҡан
Өфөлә 23 февралдә "ашығыс ярҙам" машинаһы Күҙ ауырыуҙары институты дауаханаһына яраланған 36 йәшлек ирҙе алып килгән. Летчиктар урамында үҙ йорто янынан йыраҡ түгел ерҙә таныш булмаған кеше уның башына атҡан. Һөҙөмтәлә ҡаза күреүсенең уң яҡ күҙ алмаһы йыртылған. Табиптар был турала полицияға хәбәр иткән.
Эске эштәр министрлығының матбуғат хеҙмәте мәғлүмәттәренән шул билдәле: баҡтиһәң, был ир таныш булмаған егетте урамда осратып, эләгешеп китәләр. Һүҙ артынан һүҙ сығып, иреш низағҡа әйләнә. Ниндәйҙер мәлдә йәш егет пневматик пистолет килтереп сығара ла, был иргә атып ебәрә. Был хәл урамдағы видеокамераға эләгә. Аяныслы хәл буйынса енәйәт эше ҡуҙғатылған. Видеокамераларҙы ентекле тикшергәндән һуң, полиция хеҙмәткәрҙәре атыусының шәхесен асыҡлай: ул 16 йәшлек Өфөлә йәшәүсе үҫмер. Тикшереү эштәре дауам итә.
Фото Эске эштәр министрлығы видеоһынан стоп-кадр.
Автор: Миләүшә Сайтаковаhttps://bash.rbsmi.ru/articles/y-m-i-t/K-en-16-y-shlek--mer-at-an-137554/
