+22 °С
Ямғыр
Новости
25 Февраль 2020, 07:02
Мәскәүҙә урланған - Мәләүездә табылған
Башҡортостанда Мәскәүҙә урланған "Тойота Камри" автомобилен тапҡандар. Бөтәһе лә бөгөнгө техниканың ғәжәп мөмкинлектәре арҡаһында инде. Росгвардияның үҙәкләштерелгән һаҡлыҡ пультына навигация-мониторинг спутник системаһынан хәбәр алына. Илдең баш ҡалаһында юғалған автомобилдең Мәләүездә икәнлеге асыҡлана, тип хәбәр итә “Башинформ”.
Эҙләү эше менән шөғөлләнгән төркөм юлға сыға. Билдәләнгән урында гараж боксы урынлашҡанлығын күрәләр. Росгвардия ағзалары биләмәне уратып алып, күҙәтеү ойоштора. Күп тә үтмәй, гараждан эҙләү иғлан ителгән автомобилде алып сығалар. Полиция һәм Росгвардия хеҙмәткәрҙәренә "Тойота"ны туҡтатыу бер ни тормай. Шулай, итеп, транспорт сараһының мажаралы яҙмышы хәл ителә.
Фото:”Башинформ”.
Автор: Дина Арсланова.https://bash.rbsmi.ru/articles/kh-ef-e-lek/M-sk---urlan-an-M-l-ezd-tabil-an-133998/
