+21 °С
Болотло
Новости
24 Февраль 2020, 05:15
Салауат Фәтхетдинов: “Армияла илап та алам инем”
Был көндө бер-беребеҙҙән: “Хеҙмәт иттеңме?” - тип һорарға ғәҙәтләнгәнбеҙ. Яратҡан йырсыбыҙ Салауат Фәтхетдинов: “Был һорау мине һәр саҡ уңайһыҙ хәлдә ҡалдыра, - тип яуаплай. - Сөнки мин төҙөлөш батальонында аҡса эшләнем.
Ғаиләлә хәл ауыр ине, аҡса эшләү мөмкинлегенә ҡыуандым ғына. Ғөмүмән, торомошта мин “везучий”. Дуҫтарға килгәндә лә, ғаиләлә лә. Бәләкәй генә бер талантым да бар шунда. Ә бына армияла берҙән-бер татар кешеһе – командир ҙа миңә эләкте, шуға күрә хеҙмәт итеүе күпкә еңелерәк булды. Ике йыл хеҙмәт иттем. Тыуған яҡты нисек һағынғанды белһәгеҙ?! Кешегә күрһәтмәй, ҡасып, илап та ала инем. Ә хәҙер хеҙмәт иткән ҡаланы барып күргем килә. Уны танымаҫһың да инде! Ул ваҡытта Шевченко тип атала ине, хәҙер - Ҡаҙағстандың Аҡтау ҡалаһы. Берәй юлым унда ла төшөр әле. Йәштәрҙең армияға теләп барыуҙары ҡыуандыра. Студенттар ҙа армияға барам тип, ғариза тотоп килә. Афарин! Армия – иң шәп мәктәп ул, барыһындар”.
Фото: «Бәйләнештә» селтәренән.https://bash.rbsmi.ru/articles/b-y-k-e-e-g-75/Salauat-F-thetdinov--Armiyala-ilap-ta-alam-inem-134448/
