+24 °С
Ямғыр
Новости
22 Февраль 2020, 06:45
Башҡорт теленең ҡулланыу даирәһе киңәйә
Халыҡ ара-туған телдәр көнө айҡанлы Башҡортостанда төрлө саралар үтә. Күркәм байрам уңайынан республикабыҙҙың Мәҙәниәт министрлығы Башҡорт дәүләт университетында Башҡортостан Башлығы гранттарын тапшырыу йомғаҡтары (2018 һәм 2019 йылдар алынған) буйынса семинар ойошторҙо.
Мәҙәниәт министрының беренсе урынбаҫары Наталья Лапшинаның һүҙҙәренә ҡарағанда, дөйөм бурыс – башҡорт телен һәм башҡорт мәҙәниәтен һаҡлау, үҫтереү. Конкурсҡа айырыуса былтыр ғаризалар күп ҡабул ителгән. Ике йыл һуҙымында бөтәһе төрлө йүнәлештә 42 проект ҡаралған, 12-һе һайлап алынған. Мәҫәлән, илебеҙ төбәктәрендә Башҡортостан көндәрен үткәреү – иң уңышлы эштәрҙең береһе.
Башҡорт дәүләт университеты ректоры Николай Морозкиндың сарала ҡатнашыусыларҙы башҡортса сәләмләүе телебеҙҙең киң даирәләргә үтеп инеүен аңлатты.
– Университетта бөтәһе 28 мең студент белем эстәй, – тине Николай Данилович. – Юғары уҡыу йорто республикабыҙ иҡтисадының үҫешенә тос өлөш индерә. 2019 йылда белем усағының донъяла алдынғы 1 300 университет исемлегенә инеүе – юғары күрһәткес, ә уларҙың дөйөм һаны – 24 мең.
Башҡортостан Башлығының ижтимағи-сәйәсәт үҫеше буйынса идаралыҡ начальнигы урынбаҫары – милли проекттарҙы тормошҡа ашырыу буйынса бүлек мөдире Гөлләриә Ялсыҡаева сығышында проект эштәренең мөһимлегенә баҫым яһаны.
Башҡорт теле һәм әҙәбиәте уҡытыусыларының I Бөтә Рәсәй съезы, башҡорт теленән халыҡ-ара диктант, “Һаумы, һаумы, әкиәт!” конкурсы, “Урал батыр” эпосын яттан һөйләүселәр бәйгеһе һәм башҡа саралар башҡорт телен үҫтереүгә тос өлөш индерә. Ошолар тураһында республикабыҙҙың мәғариф министры урынбаҫары Әлфиә Ғәлиева һөйләне.
Семинарҙа республикабыҙҙың башҡорт теле һәм әҙәбиәте уҡытыусылары ҡатнашты.
Башҡорт дәүләт университеты ректоры Николай Морозкиндың сарала ҡатнашыусыларҙы башҡортса сәләмләүе телебеҙҙең киң даирәләргә үтеп инеүен аңлатты.
– Университетта бөтәһе 28 мең студент белем эстәй, – тине Николай Данилович. – Юғары уҡыу йорто республикабыҙ иҡтисадының үҫешенә тос өлөш индерә. 2019 йылда белем усағының донъяла алдынғы 1 300 университет исемлегенә инеүе – юғары күрһәткес, ә уларҙың дөйөм һаны – 24 мең.
Башҡортостан Башлығының ижтимағи-сәйәсәт үҫеше буйынса идаралыҡ начальнигы урынбаҫары – милли проекттарҙы тормошҡа ашырыу буйынса бүлек мөдире Гөлләриә Ялсыҡаева сығышында проект эштәренең мөһимлегенә баҫым яһаны.
Башҡорт теле һәм әҙәбиәте уҡытыусыларының I Бөтә Рәсәй съезы, башҡорт теленән халыҡ-ара диктант, “Һаумы, һаумы, әкиәт!” конкурсы, “Урал батыр” эпосын яттан һөйләүселәр бәйгеһе һәм башҡа саралар башҡорт телен үҫтереүгә тос өлөш индерә. Ошолар тураһында республикабыҙҙың мәғариф министры урынбаҫары Әлфиә Ғәлиева һөйләне.
Семинарҙа республикабыҙҙың башҡорт теле һәм әҙәбиәте уҡытыусылары ҡатнашты.
