+22 °С
Ямғыр
Новости
18 Февраль 2020, 07:41
Рәхим итегеҙ: баклажандан ҡабымлыҡ
Ял көнөндә өҫтәлдәрегеҙ мул табындан һығылып торалыр. Беҙ ҙә һеҙгә бер ризыҡ рецебын тәҡдим итәбеҙ. Ашығыҙ тәмле, күңелегеҙ көр булһын, дуҫтар!
Был ризыҡты әҙерләү өсөн ике баклажан, 200 грамм эремсек, бер стакан ҡаймаҡ, өс тырнаҡ һарымһаҡ, 60 грамм грек сәтләүеге, тоҙ, борос, көнбағыш майы, кинйә тәмләткесе кәрәк.
Тәүҙә баклажандарҙы түңәрәкләп киҫеп, табала көнбағыш майында ҡыҙҙырабыҙ. Айырым һауытта эремсеккә иҙелгән һарымһаҡ, ваҡланған кинйә тәмләткесен, ҡаймаҡ, тоҙ, борос ҡушып болғатабыҙ. Сәтләүекте ваҡлайбыҙ.
Шунан ҡатлап һала башлайбыҙ: баклажан, эремсек, баклажан, эремсек. Өҫтөнә сәтләүек һибәбеҙ. Ризыҡ әҙер.
Ашығыҙ тәмле булһын!
Фото: Edinstvennaya.ua
Автор: Рисаля Юмагулова.https://bash.rbsmi.ru/articles/matur-t-en-yaly-y/R-him-itege--baklagandan-abimli-110674/
