+22 °С
Ямғыр
Новости
12 Февраль 2020, 06:02
Үгәй атай йәнә төрмәгә ултырырмы?
Малаяҙ үҙәк дауаханаһына баш мейеһе ауыр йәрәхәтләнгән Салауат районы кешеһен килтерәләр. Уны үгәй атаһы туҡмауы асыҡлана. Инцидент Яңы Ҡаратаулы ауылында теркәлә.
Был беренсе осраҡ түгел. Быға тиклем атай йораты улының янбашына бысаҡ менән сәнскән була. Егет күптән түгел генә дауахананан төҙәлеп сыҡҡан.
Полиция аяныслы хәлдең сәбәптәрен асыҡлау буйынса тикшереү эше башланы. Һуғыш суҡмары бығаса хөкөм ителгән була. Был юлы уның ҡырағай ҡылығы һаулыҡҡа ауыр зыян килтергән енәйәт ҡылыу булараҡ баһаланасаҡ, тип күҙаллана. Үгәй атайҙың ғәйебе иҫбатланһа, ул йәнә рәшәткә артына оҙатыласаҡ.
Фото: “Бәйләнештә” селтәренән.
Автор: Римма Султанова.https://bash.rbsmi.ru/articles/y-m-i-t/g-y-atay-y-n-t-rm-g-ultirirmi-117893/
