+22 °С
Ямғыр
Новости
12 Февраль 2020, 06:00
Аллы-гөллө... билмәндәре!
Ейәнсура районынан эшҡыуар Хөсәйенов төҫлө билмән эшләүгә тотонған. Был билмәндәр Сибай ҡалаһындағы “Башмаркет” сауҙа селтәре магазиндарында һатыуға сығарылған.
“Күптәр ҡамырға ниндәй буяу ҡушалар икән, тип ҡыҙыҡһына. Барыһы ла тәбиғи: сөгөлдөр, кишер, укроп һәм шпинат һутынан эшләнгән буяуҙар. Фаршы – тулыһынса һыйыр итенән, йәғни составында бер ниндәй ҙә консерванттар, яһалма буяуҙар юҡ. Ҡыҙыҡ күреп, үҙем дә һатып алып, ашап ҡараным. Бик тәмле”, – ти селтәрҙең директоры Рөстәм Яратов.
Әйткәндәй, төҫлө билмәндәр бәләкәй балалары булған ата-әсәләргә хуш килгән икән. Аллы-гөлө төҫтәге йомороҡастарҙы кескәйҙәр ҡыҙыҡ күреп, яратып ашай, тип билдәләгән яңы төр билмәнде һатып алыусылар.
Фото: “БашМаркет” төркөмөнән.
Автор: Гөлдәр Яҡшығоловаhttps://bash.rbsmi.ru/articles/i-tisad/Alli-g-ll---bilm-nd-re-117918/
