+24 °С
Ямғыр
Новости
10 Февраль 2020, 09:36
Башҡалар түгел, үҙең ғәйепле
Бер йылан арбаусы ир иң ағыулы йылан менән дуҫлашып алып, уның менән бер ҡасан да айырылмаған һәм муйынына уратып алып йөрөгән. Ул үҙе кешеләр менән аралашырға, уларға төрлө ҡыҙыҡ хәл тураһында һөйләргә яратҡан. Әммә кешеләр был әҙәмде оҙаҡ тыңлап тормаған, янынан тиҙерәк китеү яғын ҡараған. "Мине бер кем яратмай һәм аңламай, шуға мине тыңларға ла теләмәй. Кешеләрсә түгел был", – тип зарланған йылан арбаусы. Үҙенең зарын ул кешеләргә лә һөйләй алмаған, ә муйынында уралып йөрөгән йыланға һөйләгән.
Бер саҡ йылан аулаусының йыланын ҡулына алып, уға хәбәр һөйләп ултырғанын сит бер кеше ишетеп торған. Ул алыҫтан тороп ҡына йылан хужаһына былай тип ҡысҡырған: "Эй, һин, ҡулыңдағы йыланыңды ситкә быраҡтыр, ул саҡта эргәңдән берәү ҙә ҡасмаҫ. Тап ошо ҡылыҡ һинең яҡтан кешеләрсә булыр. Шул саҡта бәләңдә кешеләр ғәйепле түгел икәнен дә аңларһың..."
Үҙеңдең насар ҡылыҡтарыңдан ҡасһаң, Бәхеткә лә, Аллаға ла, кешеләргә лә яҡын булырһың.
Фото: Т. АМАНОВ
Үҙеңдең насар ҡылыҡтарыңдан ҡасһаң, Бәхеткә лә, Аллаға ла, кешеләргә лә яҡын булырһың.
Фото: Т. АМАНОВ
